Gudoomiyaha Cusub ee Golaha Shacabka Maxamed Mursal Sheekh C/raxmaan waxa uu ku dhashay Magaalada Baydhabo ee gobolka Baay, sanadku markuu ahaa 1957.

 

Waxa uu waxbarashadiisa aas aasiga ku soo qaatay Magaalada Baydhabo, waxa uuna ka baxay dugsiga sare ee Sheekh Aweys oo ku yaalla Baydhabo.

 

Gudoomiyaha Cusub ee Baarlamaanka Soomaaliya Maxamed mursal sheikh C/raxmaan Waxa uu waxbarashadiisa heerka Jaamacada ku soo qaatay Magaalada Sanca ee dalka Yamen.

 

Waxa uu shahaadooyin Jaamacadeed ka heystaa Cilmiga arrimaha Bulshada, Xiriirka Caalamiga iyo diblomaasiyada.

    Arrmaha beni aadanimada.

 

Sanadkii 2000 wixii ka dambeeyay waxaa uu ku howlanaa arrimaha banii’aadnimada iyo garab istaaga dadka danyarta ah.

 

waxyaabaha uu qabtay waxaa ka mid ahaa waxa uu aas aasay.

 

1.Wabiyow Community development association.

 

2.Alqamar Tecknology Center ayuu Magaalada Baydhabo ka aas aasay oo ahayd markii ugu horeysay oo magaalada Baydhabo laga hirgeliyo dadka reer baydhabana baray Technology-yada.

 

3. waxa uu dayactir ku sameeyay biyo mareen-ka iyo tubooyinka Baydhabo.

 

4. Biyo dhaamin iyo biyo gelin ayuu ka sameeyay qeybo badan oo Magaalada Baydhabo ka mid ah.

 

           Xilalka uu soo qabtay.

 

1993 ilaa 1995 Guddoomiye ku xigeenka Magaalada Baydhabo.

 

2009 ilaa 2011 Wasiirka Hantida Qaranka iyo Qalabeynta.

 

2009 ilaa 2011 Xildhibaan Qaran dowladdii TFG.

 

2012 ilaa 2015 Safiirka Soomaaliya ee dalka Turkiga.

 

2016 Wasiirka Wasaarada Tamarta iyo Kheyraadka Biyaha.

 

2016 Xildhibaan Qaran ilaa hada.

 

2017 ilaa 2018 Wasiirka Wasaarada Gaashaandhiga Soomaaliya.

 

Gudoomiyaha Baarlamaanka soomaaliya  Maxamed Mursal waxa uu dalka gudihiisa iyo dibadiisa kaga qeyb galay Shirar, Tababaro iyo aqoon kororsi.