Wasiirka Amniga Koofur Galbed Xasan Xuseen Maxamed iyo Saraakiisha Ciidanka Xoogga Dalka Soomaaliya iyo kuwa Koofur Galbeed ayaa la sheegay Saanad Ciidan ay ku Wareejiyen Sheekh Muqtaar Roobow Cali Abuu Masuur oo Al-shabaab kula dagaalamaya Degaanka Abal ee Gobolka Bakool.

 Wadaankaan ayaa la Tilmaamay inuu Doonayo in uu Ciribtiro Maleyshiyada Al-shabaab iyadoo Mudooyinkaan Degaanka Abal uu ugu Dilay Maleyshiyaad iyo Horjogayaal ka Tirsan Kooxda Al-shabab

Wasiirka Amniga iyo Saraakiisha la socota ayaa la sheegay in Saanadda Ciidan ay ka qaadeen Degmada Xudur,waxaana Saanadu isugu jirtaa Hubka Culus iyo kan Fudud,iyadoo la doonayo in Wadaadka lagu Magacaabo Sheekh Muqtaar uu Hubkaasi isaga Difaaco Al-shabaab.

Sidoo kale waxaa la sheegay in Ciidamada Dowladda iyo kuwa Koofur Galbeed ee Gurmadka ugu tagay Sheekh Muqtaar Roobow iyagana loo qeybiyay Hub si ay Al-shabaab uga difaacaan Sheekh Muqtaar Roobow oo Dhor jeer la dagaalamay Al-shabaab Weerar ku soo qaaday Degaanka uu ku sugan yahay ee Abal.

Dowladda Mareyknka ayaa Wadaadkaan lagu Magacaabo Sheekh Muqtaar Roobow Cali Abuu Masuur ka saartay Liiska waxa loogu yeero Argagixisada 24-kii June ee Sanadkaan,waxaana tan iyo waxii Xilligaas ka dambeeyay uu Bilaaway inuu la Dagaalamo Maleyshiyada Al-shabaab isagoo Sheikh Mutaar Roobow uu sheegay inuu Cirib Tirayo Hogaanka sare ee Maleyshiyada Al-shabaab